2021-02-17

Baliabideak eta baliabideak

 



Bideoa


Literaturari buruz sarean dagoen guztia

Lau minututan Imanol Epeldek errepaso bikaina egiten dio sarean aurki daitekeen euskal literaturako baliabide mordorari. Erreferentziazko katedrala, Armiarma. Albisteekin jakitun egoteko, Hitzen Uberan eta 111 akademia. Entzunezko pasarteak, Xerezaderen Artxiboa podcasta, Etxegiroan ipuin eta audio-liburuak, eta Aittu.eus, idazleen ahotsa entzuteko, gehi Etxepare Rap, Epeldek berak flow handiarekin rap bihurtutako literatura klasikoa. Liburu elektronikoaren alorrean, Booktegi eta Susaren katalogoa. Telebistan, Artefaktua eta Nahieraren aurki ditzakezun Sautrela zaharrak ahaztu gabe. Ekimen sustatzaileak: Idazleak ikastetxeetan programa, Galtzagorri elkartearen ideiak, Urruzunotarrak gazteen idazlanak sustatzeko, eta ELK kanona Nafarroatik.

Nik gehituko nuke atera berri den Deabruaren eskola, testu ederrak irakurtzeko leku bat. Literaturaren itsaso zabalean topatzen dugun edertasuna konpartitzeko proiektu bat.

Ø Eta sareko euskararen mundua borobiltzeko, hona hemen beste baliabide digital batzuk:

 

Podcastak.eus

 

Euskaraz ekoizten diren podcast independienteak, hau da, irratsaioetatik ez datozen podcastak. 

 

 Astrapala podcasta; youtuben, eta Ivoox-en

 

 

Wikipedia

Euskarazko Wikipedia edo Euskal Wikipedia 

Wikipediaren euskarazko edizioa da, 2001eko abenduaren 6an argitara atera zena. Oraintxe, 364.546 artikulu ditu.

 

 

 

Txikipedia

8-13 urte bitarteko haurrentzako entziklopedia bat da, Euskarazko Wikipediaren barruan txertatua, adin-tarte horretako umeentzako moduko lexiko eta sintaxiarekin egina. Horregatik, euskara garbi eta errazean idatzita egotea du helburu, umeen eskola-beharretara moldatua, baina ulergarritasunari garrantzi handia emanez.

 

 

 Twitter euskaraz

 

2012az geroztik daukagu erabilgarri Twitter euskaraz. 

 

Umap-ek Twitterreko euskarazko jarduna jarraitu eta filtratzen du. Horrela, modu automatikoan, Twitterren gabiltzan euskaldunak nortzuk garen detektatzen du.

2020ko maiatzean 10.447 erabiltzaile aktibo zeuden. Hilean zehar 670.060 txio egin ziren, eta horietatik %40,03 euskaraz

  

Zuzeu orainkari horizontala

 

Sustatu.eus. Teknologia albisteak

  

Kulturklik

 

eLiburutegia 

 

2020-11-16

11-kantatzeko proiektua. Irakurketari laguntzatxo bat

 


Irakurri ditzazkegu kantak eta ipuinak,eta kasu honetan ipuinak kantuan. 

11-kantatzeko-proiektua

Beste baliabide askoren artean aurkitu dudan pitxi hau hitzketa.eus atarian.

Bertan aurkitu ahal dituzue kalitatezko literatura eta musikako baliabideak euskaraz.

Gozatu!



2020-11-09

 

LANDAREEN UGALKETA

Landareen ugalketa ikasteko bideo polit bat youtubeko kanal honetan, NATURATEKA.



LANDAREEN UGALKETA

2020-11-06

Zientzia kaiera

 Zientzia kaiera euskaraz zientzia dibulgaziorako EHUk sortutako aldizkari digitala da. Batez ere DBHko ikasleei bideratuta edo nagusiagoentzat ere, batzuetan gure ikasleak informazio bila dabiltzatenean baliagarri izan daitekeela iruditu zait.

ZIENTZIA KAIERA 






2020-09-07

Ahozkotasuna

 Garai zailak dira eskolarako eta bereziki euskararen erabilpenerako; horregatik inoiz baino gehiago irudimenari eragin behar diogu ikasturtea aurrera eramateko. 

Coronavirusa dela eta etxean geratu behar izan ginenean martxan jarri ziren zenbait laguntza dinamika euskara ume guztiengana helarazteko. Niri bi mutikorekin bideodeiak egitea egokitu zitzaidan haiekin berba egiteko astean bitan eta ordu erdiz. Horretarako, aisialdi talde batek bidalitako materiala artean, ezagutu nuen Ahozkotasuna bloga. Aspaldi argitaratzen ez badu ere baliabide ona da eta jolas batzuk proposatzen ditu egun bizi dugun egoeran baliagarri izan daitezkeenak.

AHOZKOTASUNA