Tipi tapa dator korrika!

Irakurri behar duen umeak badu karaokean zer irakurri eta zertarako. Ondo pasa Pirritx eta Porrotxen kanta-dantzarekin!

Badator 20. Korrika!

Badator 20.Korrika! Gozatu kanta eta ikasten hasi, badator eta ohartu orduko hemen da!

Euskararen eguna, tinko!

Aurten kanta eta dantza berria. Txikienak animatu dira!

Txanelak eta Xixupikak sarean

Askotan adierazi dut zein garrantzitsua iruditzen zaidan ikasketa prozesurako musika baliabide bezala erabiltzea, ez bakarrik musika bera ikasteko, hizkuntza, ingurunea, matematika e.a guztiak ikasteko ere. Euskal Herriko mendiak "Altzaporru" kantuan eta dantzan ikastea bezalakorik ez dago!
Gaurkoan, bi baliabide dakartzat hona; batetik Txanelako liburuak sarean eta bestetik Xixupika 1, 2 eta 3.
Lehenengoa, Txanelako liburuak alegia, Musika Gela PDI blogean aurkitu ditut; Xixupikak Bizkaiko Xirula Mirula blogean daude. Hona hemen loturak:

Txanelako liburuak

Xixupika 1

Xixupika 2

Kalea berreskuratu nahian

Solasgune

txatxilipurdi

ttipistudio

Hiru lotura hauek pasadan ostiralean Deustuko Hezkuntza Jardunaldietan psikomotrizitateari buruzko elkarrizketaren harira datoz. Bertan aipatu genuen psikomotrizitatearen espazio naturala kalea izanik urteak eta urteak direla haurrak espazio hau galdu zuela jolaserako eta horren berreskuratzearen beharra.  Algortan ere hasi dira pauso txikiak egiten, eta bertatik, Sendi egitasmotik iritsi zaizkit hiru lotura hauek.

       

Gustura idatziz

"Gustura idatziz: Idazketaren ergonomia eta genetika eskuizkribuetan" liburua dakart gaur hona, azken aldian askotan entzuten bait dut letra txarra dutela umeek, jada kaligrafia egiten ez dela, e.a.
Irakasle askok kezka hori erakusten dute eta, noski, aurrekoari errua botatzeaz aparte, zerbait gehiago ausnartu beharko dugu, ezta?
Irune Ibarrak ideia batzuk ematen dizkigu liburu honetan, interesgarriak eta praktikoak. Begiradatxo bat eman eta behar bada argituko zaigu pixka bat bidea. Nire ustez bereziki interesgarriak dira ezkertientzat ematen dituen iradokizunak.

   

Bizkaiko Xirula Mirula Musikaz Blai

Blog hau nire lanerako baliabideak jartzeko tokia izan nahi du eta ni bezala dihardutenentzat lagungarri.

Baina soldatapeko lanaz gain, beste behar bat izan dut esku artean unibertsitate garaietatik hona (hogeitaka urte edo), Musikaz Blai Musika Elkartearen zuzendaritzan aritzea hain zuzen.
Elkarte hau Xirula Mirularen Bizkaiko iharduna bideratzen du. Xirula Mirula Donostiarrek hartutako izena izanik, guk beste bat eman genion Bizkaiko Xirula Mirulari eta bide batez gure lanerako autonomia eta izaera propioa garatu.
Musika eskolak emateari utzi nion baina ez ziren hor ardurak amaitu eta orain formakuntzan eta zuzendaritzan jarraitzen dudanean, Musikaz Blai eta Xirula Mirula zer diren eta zertan dihardun azaltzeko blog berria egin dut.
Blog hori euskaraz zegoen bloglari.net-ekin egingo nuela erabaki nuen. Hortik dator nire trakeskeria tresna hori maneiatzen. Blogger-ekin ikasitakoak balio izan dit baina badira desberdintasun handiak, hortaz astiro nabil lanean.
Blogaren azaleko irudian Iraia Okinaren "Gamusinoak"en zatitxo bat agertzen da oraindik ez dudalako osoa sartzen ikasi. Baten batek badaki nola egin SOS! Laguntza!
Baina, bitartean, hor doa lotura ezagutzen joan zaitezen.

 BIZKAIKO XIRULA MIRULA MUSIKAZ BLAI

GARAPEN KOGNITIBOAZ HAUR HEZKUNTZAN

Sarean liburu hau aurkitu dut. Teoriak, nire ustez, irakurri egin behar dira eta gero norberaren zerbitzura jarri eta ez alderantziz. Edonola be irakurtzea beti dago ondo. Ea tartetxo bat hartzen dudan...

GARAPEN KOGNITIBOA

Euskaljolasak

Euskaljolasak Euskaraz jolasteko baliabideak jasotzen dituen web orrialdea da. Erraza erabiltzeko, instrukzioak eta bideo batzuk ditu jolasak erakusteko. Urtxintxako materialetan oinarrituta egindako lana da.

Dantzan.com

Ez da hezkuntzarako egindako web orrialdea baina musika arlorako eta psikomotrizitaterako egokia iruditzen zait. Dantza guztiak ditu kontuan baina bereziki euskal dantza tradizionalak.
Bideoen atal oso interesgarri bat dago. Sartu www.dantzan.com-en.

Idazmakina zaharrarekin egin dezakeguna

Bada Imanol Urbietaren "Idazmakina zaharra" izeneko kanta eta umeekin erabili nuen Anderssonen piezarekin egiten den bezala idazmakina perkusio musika tresna bezala erabiltzeko. Nire idazmakina ez zen bideokoa bezain zaharra eta soinua ere 80.hamarkadako idazmakinarena zen. Hala ere, primeran pasatu genuen.
Hona hemen Anderssonen pieza ikusi eta entzuteko eta Imanolen kantuaren hitzak.



Idazmakina zaharra


Aitatxoren gelan tiki taka tiki taka
igande goizetan tiki taka ring zun.
Hatzak bizi bizi tiki taka mugi mugi
hizki bat lerro bi hiru lau bost sei orri.

Tik tiki tiki tak hauxe da musika
hainbat orduetan besterik ez daukat.

Tiki taka tiki taka tiki taka tiki tak
tiki taka tiki taka tiki tiki tak (bis)

* Abestia topatzeko Axelko gidaliburuan daude partitura eta hitzak.

Wallonia, Dans du Ramon

Beste hau Walloniakoa da. Niri piiiloa gustatzen zait oso dibertigarria delako. Bikotea begiradarekin lortu behar da, ligatzeko dantza da

.

Kos-eko dantza

Hemen duzu aipatu nizuna. Kos izeneko irla bateko dantza da eta Grezian dago.

Bideoan besoak gurutzatuta agertzen gara baina eskuetatik lotuta, bizkar aldetik lotuta, gerritik...bakizue, korruan edozein formatutan egin dezakezue.

Herri musikaren txokoa

Umeen garapenerako hezitzailea den zerbait badago, berau musika da. Musikaren bidez eta kantuaren bidez heltzen zaizkio hainbat eta hainbat esperientzia umeari. Nire ustez, eskolan gutxietsi egiten dugu musikak duen transmisiorako gaitasuna.
Gure umeek Euskal Herriko musika ezagutu eta gozatzeko sortu zen Xirula Mirula eta musika haurren zerbitzura jarri zuten; gaur mendien izenak ikasteko, bihar gure historiaren pasadizo bat, gure gorputza ezagutzeko...

Xirula Mirulako publikazioen berri izateko eta baita herri musikaren ezagutza sakonago bat izateko hona hemen HERRI MUSIKAREN TXOKOA

KORRIKA BADATOR!

Hemen duzue aurtengo Korrikako kanta. Gose taldeak eskeini digu aurten Korrikarako kanta eta hona hemen abestiaren hitzak.

EUSKALAKARI kanta

Mingain zorroztuak ginen

Zuri, hori, berde eta gorri ginen

Barakaldon beterano ginen

Arriskua ginen, erromeria ginen

Su iraultzaile ginen

Enpresari eta sindikatu ginen

Lesbiana, hetero, gay ginen

Gehiegi izan ginen, nahikoa ez ginen

Euskalakari izango gara!

Pausoz pauso, gelditu barik

Pausoz pauso, maitatu, ari...

Pausoz pauso, euskalakari!

Eserita zer itxoiten zenuen?

Beldurtuta, nekatuta ote zinen...

Trena pasa da ta zu begira hemen

Ukabila ginen eta hitza ginen

Euskalakari izango gara!

Imanol Urbieta

Aurtengo Argizaiola saria Durangoko Azokan Imanol Urbietarentzat izan da. Bizkaiko Xirula Mirula Musika Eskola bere metodo eta materialetan oinarrituta hasi zen martxan eta oraindik ere horrela jarraitzen dugu. Eskertzekoa da bere garaian, eskola sortu genuenean nolako laguntza eman ziguten eta batez ere garrantzitsuena, zelan animatu gintuzten askatasun osoz den dena erabiltzera. Hogei urte inguru pasatu dira eta oraindik ere hor jarraitzen dugu, euskaraz eta jolasaren bidez musika irakasten.


Imanol Urbieta protagonista nagusia, Durangoko Azokaren hasieran - EiTB Kultura Programak

Imanol Urbietaren blogean sartu. klik

Honek honek

Zotz egiteko kanta bezala, hatzamarrekin jolasteko kanta, taupada barneratzeko kantua eta euskal ahozko tradiziotik gure umeei erakusteko beste kantu bat dugu "Honek honek". Mila esker Itsaso Arrieta.

Heziketa fisikoarekin jarraituz

Heziketa fisikoa eta psikomotrizitatearekin jarraituz interesgarria iruditzen zait Gorputz heziketako informazioa jasotzen duen orri hau jasotzea bai irakasleentzat eta baita kirolariak garenontzat.
Eta eztabaidarako gaia taularatu nahi nuke. Konpetizioa bai ala ez? Konpetitibitatea bai ala ez? Zer uste duzue zuek?

Euskal dantzak gorputz hezkuntzan

http://euskaldantzakgh.blogspot.com/
Psikomotrizitatea eta gorputz hezkuntza oso garrantzitsuak dira gure umeentzat eta gainera umeak zeharo motibatuta egoten dira jolaserako eta dantzarako. Beti mugitzeko prest!
Oso zaila da arlo honetan ere euskara hutsean dagoen lanik topatzea.
Hauxe aurkitu dut eta ea gustoko duzuen.