Landareak 2

Landareei buruzko bideoa.

Hirugarren zikloan ingurunean gaude landareak lantzen. Youtuben euskaraz baliagarriak diren gauzak topatzea zaila bada ere, hona hemen bideo bat. Ea lagungarri zaizuen.

l

autismoa

Autismoa

View more presentations from oia.

Autismoari buruz informazioa ematen digun aurkezpen txiki honek guraso zein ohiko geletako irakasleentzat interesgarri izan daiteke.

Lehen autismo-agerpenak hiru urte bete baino lehen hasten dira beti, baina
lehen urtearen aurretik ez dira oso nabarmenak izaten. Honakoak dira autismo-arazodun
haurrengan ikusten diren ezaugarririk nagusienak: oso pasiboak izaten
dira, ez dute ingurunearekiko inolako harremanik garatzen eta inguruan dituzten
pertsonenganako eta gauzetarako sentiberatasun txikia agertzen dute. Hori dela eta,
zenbaitetan gurasoek semea edo alaba gorra dela pentsatzen dute, esaten dizkioten
soinuei eta hitzei ez baitie erantzuten.
Haur horien defizitak ez dira lengoaiaren ohiko garapen-jarraipidearekiko
atzerapenak edo desbideratzeak, lengoaia garatzen hasi baino lehenagoko
oinarrizko komunikazio-trebetasunen alterazio larriak baizik. Kasu horietan hitzezkoa
ez den komunikazioaren alderdi zabalagoek egiten dute huts, hala nola,
komunikatzeko asmorik ezak, interesen bat besteei adierazteko gaitasunak eta
gizarte-ingurunea eta inguruan dituztenen interesak, nahiak eta emozioak ulertzeko
zailtasunak. Alderdi horiek guztiak, komunikazio-estrategia goiztiarrak eta hitzezko
lengoaia garatzen hasi aurrekoak direnak, haur-garapenaren hasiera-hasieratik
daude alteratuta.

Gurasoak eta euskara

Duela hilabete edo Iñaki Eizmendi izan genuen gure artean gurasoei hitzaldia ematen.

Gure eskolako guraso gehienak erdaldunak izanik, zalantza handiak zituzten umeei euskararenganako jarrera positiboak bultzatzeko orduan egin zezaketenaz.

Iñakik esan zien egunero esaldi gutxi batzuk badira ere, horrek jarrera positiboa erakusten duela.

Guk Normalkuntza Batzordetik gurasoentzat esaldi zerrenda txiki bat egin dugu eguneroko egoeretan erabilgarriak direnak eta txostenekin batera banatuko ditugu. Norbaitek nahi badu hemen dauka.

http://www.scribd.com/share/upload/9994504/oeh8sorvz6l362bflpj

Guraso.com

Guraso euskaldunarentzat sarean dagoen baliabide interesgarri bat da http://www.guraso.com/.

Normalkuntzaren bidean eskolako komunitatean ezinbestekoa dugu gurasoekin euskaraz lan egitea. Gurean zaila da gehiengoa erdalduna delako baina agian beste eskola batzuetan IGE-koei interesatuko zaie orrialde hau.

Gozatu!