2008-09-16

Ahozkoa lantzeko tresnak



Pentsatu, konbinatu, kontatu, sekuentziak egin eta idatzizko textuak sortzeko aproposak dira. Nik ahozkoa lantzeko erabiltzen ditut eta emaitzak oso onak dira. SCHUBI lamina xorta hauek sekuentziazioa eta ahozko hizkuntza lantzeko primerakoak dira. Guk eskolan 1. eta 2. kutxak ditugu baina http://www.schubi.com-era/ joanda material gehiago ikus ditzakezue.

Umeekin lan egiteko modu askotara erabil daitezke. Nik lehenbizi sekuentzia bat hartzen dut katetoak bezala nahastu eta ordenatzeko eskatzen diet. Gero, hor gertatzen dena kontatzeko eskatzen diet eta grabatu egiten dut. Ondoren grabaketa entzun egiten dugu baina marrazkiak ezagutzen ez dituen entzulearen lekuan jartzeko eskatzen diet. Jarraitzeko nik nola egingo nukeen azaltzen diet ahalik eta zehaztazun gehien emanez. Behin eredua entzun eta gero normalean umeen hurrengo saiakerak askoz hobeak izaten dira eta pixkat praktikatu ezkero nabarmen hobetzen da ahozko adierazpena. Normalean ematen den errakuntza denboraren aldaketa egitearena da. Aurretik orainaldian edo iraganean kontatuko duten erabakitzea ondo datorkie.

2008-09-03

Bi lotura berri



Interesgarriak iruditzen zaizkit honako bi lotura hauek. Batetik erabili.com euskararen erabilera bultzatzen duen web-a, eta bestetik erein argitaletxearena erein.com. Oso material gutxi dago aniztasunaren trataerarako euskaraz baina ereinek baditu liburu gutxi batzuk (tartean kontzientzia fonologikoari buruz prestatzen ari dena ikusi beharko dugu). Eskola liburuen artean aurkituko dituzue eta batzuk oso erabilgarriak dira.

2008-09-02

Ikasturte berria hastera goaz. Aupa gu!



Ikasturte berria daukagu gure aurrean eta aurten ere blogarekin lan egiteko asmoa daukat aniztasunaren trataera eta euskara uztartzen jarraitu ahal izateko.
Aurten ikas komunitate ezberdinekin kontaktatu nahiko nuke lan honetan aurrera egiteko.
Amaitu da oporraldia eta hurrengoa etorri artean hemen izango nauzue zuen iradokizunen zain.