11-kantatzeko proiektua. Irakurketari laguntzatxo bat

 

Irakurri ditzazkegu kantak eta ipuinak,eta kasu honetan ipuinak kantuan. 

11-kantatzeko-proiektua

Beste baliabide askoren artean aurkitu dudan pitxi hau hitzketa.eus atarian.

Bertan aurkitu ahal dituzue kalitatezko literatura eta musikako baliabideak euskaraz.

Gozatu!

onoff

Onoff-ek zenbait aplikazio sortu ditu euskaraz hiztegia indartzeko balio ditzaketenak. Ez dago aurrez-aurreko elkarrizketa ordezkatuko duenik, dohala aurretik; baina batzuetan, giza baliabiderik gabe egoten gara eskoletan eta holako laguntzak eskertzen dira.

onoff

Ane beldur denean

Haur hezkuntzatik LH6.mailara beldurraren gaia ateratzeko balio izan zait ipuintxo hau. Adierazpena lantzeko zein umeen ondoezak eta kezkak ulertzeko aproposa da eta gainera marrazkiak izugarri ederrak dira.
Zeren beldur zara? Zeri diozu beldur? Zer egin horrelako egoeretan?...
Hitz egiteko, marrazteko, zein idazteko aukera paregabea ematen digu, eta noski, beldurrak uxatzeko...

Aittu berrikuntzak

Aspaldi ez nuen Aittu! bideoipuinen orria bisitatzen. Berrikuntza batzuk dakartza eta eskolan askotan erabiltzen ditudanez, hona berriro lotura.

aittu ipuinak bideoan denontzat

Ikasturte berria

Ikasturte berria hasi dogu baina erronkak betikoak dira. Hauen artean, batetik, Euskararen erabilpena eskolan zein kalean gehitzea eta bestetik, ahozko adierazpena modu sistematikoan lantzea. Lanketa hau testu mota desberdinak landuz izan behar du eta adinari zein gaitasunei egokituta noski. Bide horretan esperientzia bat topatu dut sarean eta partekatu nahi nuke denokin blogean ikasturte honi hasiera emateko.

ahozko-hizkuntza-irakastea/home

Oinarri teorikoa Slideshare batean

Ahozko hizkuntza irakastea from MAITANE78

Beste baliabide bat ulermena lantzeko

Ulermena lantzeko balio du eta bide batez komikiak egiten ikasten hasiko gara. Haur Hezkuntza, Lehen Hezkuntzako 1. eta 2. zikloetan eta baita gurera datozen ikasle erdaldunentzat egokia.

Ulermena marrazkien bidez

Kimutx

Astrako web orrian trasteatzen nenbilela agertu zait Kimutxen aurkezpena egin zutela apirilaren 26an han. Begiradatxo bat eman diot eta material interesgarriak direla ikusita, bereziki errutinak lantzeko musikari dagokionez, hona dakart lotura kimutx ezagutu dezazuen. Niretzat bereziki interesgarriak dira abestiak, hortaz hemen jartzen dizuet lotura zuzena kantetara ere kimutx-kantak.

 

Bada ere Kimutxen zeinu hizkuntzari emandako lekua, zeinutx

Ku-Ku

Ku-Ku izenburua du erabili.com-en aurkitu dudan material hau. Haur Hezkuntzako txikien gurasoei laguntzeko materiala da eta normalkuntzaren ikuspegitik interesgarria iruditu zait. Bertan, hiztegitxo bat dago umearekin euskaraz hitz egiten hasi nahi duenarentzat. Abesti egokiak ere badaude jolaserako eta hizkuntzaren estimulaziorako oso egokiak. Azkenik, bibliografia interesgarria dago gehiago behar duenarentzako.
Material hau erabiltzeko formakuntza ikastaroak ere ematen dituzte nonbait; behintzat niri horrela iritsi zait Romoko eskolatik informazioa.

  

Gustura idatziz

"Gustura idatziz: Idazketaren ergonomia eta genetika eskuizkribuetan" liburua dakart gaur hona, azken aldian askotan entzuten bait dut letra txarra dutela umeek, jada kaligrafia egiten ez dela, e.a.
Irakasle askok kezka hori erakusten dute eta, noski, aurrekoari errua botatzeaz aparte, zerbait gehiago ausnartu beharko dugu, ezta?
Irune Ibarrak ideia batzuk ematen dizkigu liburu honetan, interesgarriak eta praktikoak. Begiradatxo bat eman eta behar bada argituko zaigu pixka bat bidea. Nire ustez bereziki interesgarriak dira ezkertientzat ematen dituen iradokizunak.

   

Haur Hezkuntza elkarbizitza eta liburuak

Haur Hezkuntzan badira zenbait liburu interesgarri elkarbizitzaren gaia jorratzen dutenak. Hauek aukera edo aitzakia ematen digute umeeekin haien sentimenduei buruz hitz egiteko.
Gaztetxoenetik hasi eta nagusienera hauek dira aurkitu ditudanak eta egokiak iruditzen zaizkidanak. Gehiago egongo dira, noski. Animatu hona ekartzen.

POZIK eta LAGUNAK

POZIK jaiotzen garenetik ditugun sentimenduak identifikatzen eta izena ematen laguntzen digu. Harremanetarako baino norberaren ezagutzarako bideratuago dago.

 

LAGUNAK ordea harremanak jorratzen ditu eta  gelako eztabaida pizteko oso interesgarria da.

   

Album ilustratuak dira eta egilea Mies Van Hout da.

BURGI

David Melling da Burgiren istorioak jasotzen dituen bilduma honen egilea. Humorez tratatzen ditu eguneroko gorabeherak eta harremanetan maiz sortzen diren ika mikak. Umeentzako eta helduentzako ere gozagarriak, ez zarete aspertuko! Euskaraz daudenak hauexek:

- Lasai Burgi
- Burgik besarkada bat behar du
- Burgi eta pijama festa

IRRIEN LAGUNAK ALDIZKARIA

Aski ezagunak dira gure herrian Irrien lagunak, hortaz, ez dut gehiegi kontatu behar haiei buruz. Bada aldizkarian atal oso polit bat "Elkarrekin pentsatzeko kuadrilla: Filosofo txikiak" deiturikoa. Bertan, Mixinak, Peruk, Xerrik eta Mokofinek  elkarrizketarako gai bat planteatzen dute. Umeen garapenerako eta ezagutzarako interesgarria...eta humore finekoa noski! Nire ustez bost urteko gelarako eta hortik gorakoentzat baina hori nire iritzia besterik ez da.

  

Aittu ipuinek helbidea aldatu dute

Aittu-ko ipuinek helbidea aldatu dute. Loturen atalean ikusten duzuenez, jada ez da aittu.com baizik eta aittu.net. Ipuin gehiago ditu orain gainera!

Mila esker Pako abisua pasatzeagatik

www.aittu.net

ZELAN SORTZEN DIRA PUZKERRAK

Pasadan ikasturtean sortu zen galdera HH-n. Nola sortzen dira puzkerrak?
Gaur puzkerrak ez ezik, gure gorputzak sortzen dituen beste hainbat eta hainbat soinuren nondik norakoak ezagutzeko aukera dugu entzun-gorputzaren-musika klikatuta. Irakasle iaioen lana da gero ume txikiei guzti hau ondo azaltzea. Lotu daiteke "Mila musika ditut" abestiarekin.

aittu1-ekin arazo txiki bat zuzentzen

"aittu1 ipuinak" eskuinaldean dituzuen loturen artean agertzen den erabilienetariko bat da. nik neuk askotan erabiltzen dut entzunezkoaren ulermena lantzeko.
Gaur, bertan agertzen den web orrian sakatzean japonesez dagoen beste orrialde bat zabaldu zait. Wikira itzuli eta bertan behekaldean urdinez IPUINAK jartzen duen loturan klikatu dut eta, hor ipuinak berriro!
Ipuin guztiak VIMEO bilduma baten daude eta hemen jartzen dut lotura eskura izan dezagun

 

aittu1-eko ipuinak Vimeon

Haur hezkuntzarako bat eta agur

Tira ba, iritsi da ikasturte amaiera eta hona nire azken sarrera.
Haur hezkuntzakoentzat aurkitu berri dudan blog hau, grafomotrizitatea bilatzen zerbait gehiago topatu dudala  iruditu zait.
Gozatu oporrak!

jaialain